Pinasusumite ng Office of the Ombudsman (OMB) si Francis Escudero ng counter affidavit kaugnay ng alegasyong pagkakasangkot nito sa umano’y maanomalyang flood control projects sa bansa.
Ayon kay Assistant Ombudsman Mico Clavano, inatasan si Escudero na sagutin ang mga paratang bilang bahagi ng isinasagawang imbestigasyon ng Ombudsman. Inihayag ito ni Clavano nitong Huwebes, Mayo 21.
Kaugnay ito ng reklamong nagsusulong ng pagsisiyasat sa umano’y iregularidad sa ilang flood control projects. Gayunman, wala pang inilalabas na pinal na desisyon ang Ombudsman at nananatili pa sa proseso ng paghingi ng paliwanag ang kaso.
Sa kasalukuyan, wala pang opisyal na pahayag si Escudero hinggil sa kautusan ng Ombudsman. Ang pagsusumite ng counter affidavit ay bahagi ng due process upang mabigyan ng pagkakataon ang pinangalanang indibidwal na sagutin ang mga alegasyon laban sa kanya. #
Courtesy: DIYARYO MILENYO